Tours Infor

Laos Travel - Visit Khammouane, ແຂວງຄຳມ່ວນ

ລາຄາ: 850.000 LAK | Land tour:  ຕິດຕໍ່ເລົາ
ຫມາຍຄວາມວ່າ: ລົດໃຫຍ່ 
ເວລາ: 3 ມື້ 2 ຄືນ
ນອນ: ໂຮງແຮມ 3*
ເວລາ: ຕາມການເດີນທາງແຕ່ລະຄັ້ງ
ເລີ່ມຕົ້ນທີ່: Laksao
ດຕໍ່ເລົາ: (+85) 62022545777
Read more

Select tourXem giỏĐặt hàng

• Tours Infor

ແຂວງຄໍາມ່ວນ, ເຊິ່ງກວມເອົາພື້ນທີ່ຂອງ 16.315 ຕາລາງກິໂລແມັດ (6,299 sq mi) ແລະເປັນສ່ວນໃຫຍ່ຂອງພູມິປະເທດເປັນພູເຂົາປ່າໄມ້, ແມ່ນຊາຍແດນໂດຍ ແຂວງບໍລິຄໍາໄຊ ໄປທາງທິດເຫນືອແລະ Northwest, ຫວຽດນາມ ພາກຕາເວັນອອກ, ແຂວງສະຫວັນນະເຂດ ໄປທາງທິດໃຕ້ແລະ ປະເທດໄທ ກັບ ທິດຕາເວັນຕົກ.

Visit Khammouane, ແຂວງຄຳມ່ວນ
ຫມາຍຄວາມວ່າ: ລົດໃຫຍ່	ລາຄາ: 850.000 LAK
ເລີ່ມຕົ້ນ: ຕິດຕໍ່ເລົາ	ເວລາ: 3 ມື້ 2 ຄືນ
ນອນ: ໂຮງແຮມ 3*	ຕິດຕໍ່ເລົາ: (+85) 62022545777

ຕິດຕໍ່ ແລ PHANANGHONGTRAVEL

1. ຕິດຕໍ່ ແລ: (+85)62022545777.

2. Facebook: ກົດທີ່ນີ້

3. ອີເມວ: Ideasaobang2007@gmail.com

ແຜນນຳທ່ຽວແຂວງຄຳມ່ວນ 3ມື້ 3ຄືນ
ວັນ	ເວລາ	ສະຖານທີ່ທ່ອງທ່ຽວ ແລະ ທີ່ພັກ
ມື້ທີ 1	ຕອນເຊົ້າ	ອອກເດີນທາງໄປຄຳມ່ວນ
	ຕອຍທ່ຽງ	ຊົມຖ້ຳນາງແອ່ນ
		ກິນເຂົ້າທ່ຽງ
	ຕອນຄ່ຳ	ເລາະແຄມຂອງຄຳມ່ວນ
		ກິນເຂົ້າຄ່ຳ
		ພັກທີ່ໂຮງແຮມ
ມື້ທີ 2	ຕອນເຊົ້າ	ກິນເຂົ້າເຊົ້າ
		ໄປຊົມຖ້ຳພະ
	ຕອນທ່ຽງ	ກິນເຂົ້າທ່ຽງ
		ພະທາດສີໂຄດຕະບອງ
	ຕອນຄ່ຳ	ເລາະຕະລາດຫຼັກ2 ຊື້ຂອງຝາກ
		ກິນເຂົ້າຄ່ຳ
		ພັກທີ່ໂຮງແຮມ
ມື້ທີ 3	ຕອນເຊົ້າ	ກິນເຂົ້າເຊົ້າ
		ອອກເດີນທາງ
	ຕອນທ່ຽງ	ແວ່ທ່ຽວຖ້ຳກອງລໍ
	ຕອນຄ່ຳ	ກິນເຂົ້າຄ່ຳ
		ພັກທີ່ໂຮງແຮມ

ສະຖານທີ່ທ່ອງທ່ຽວ        
    
1. ພະທາດສີໂຄດຕະບອງ (ແຂວງຄໍາມ່ວນ)        

ພະທາດສີໂຄດຕະບອງ (ແຂວງຄໍາມ່ວນ) ພະທາດສີໂຄດຕະບອງ ຕັ້ງຢູ່ບ້ານສີໂຄດ ແຄມຝັ່ງແມ່ນໍ້າຂອງໃນວັດເກົ່າ ເຊິ່ງບໍລິເວນນີ້ ເຄີຍເປັນໃຈກາງຂອງອະດີດ ເມືອງຫຼວງທີ່ເກົ່າແກ່ຂອງອານາຈັກລ້ານຊ້າງ. ຕາມທາງເລກທີ 13 ໃຕ້ຫ່າງຈາກເມືອງທ່າແຂກ 6 ກິໂລແມັດ. ເສດຕະສັດ 7 ຊັ້ນ ໃນແກນເປັນເຫຼັກ, ເສດຕະສັດເຮັດ ດ້ວຍ ເງິນ ແລະ ຄໍາ, (Read more ...)

2. ຖ້ຳພະ ຫຼື ຖ້້ຳຊ້າງ

ຖ້ຳພະ ຫລື ຖ້ຳຜາຊ້າງ: ຕັ້ງຢູ່ໃນເຂດເມືອງມະຫາໄຊ ບໍລິເວນບ້ານນາຊາງ ຫ່າງຈາກເມືອງທ່າແຂກ ປະມານ 17 ກິໂລແມັດ. ຖ້ຳພະ ຫລື ຖ້ຳຜາຊ້າງ ເປັນຖ້ຳທີ່ຕັ້ງຢູ່ເທິງໜ້າຜາ ຂອງພູເຂົາ ນັກທ່ອງທ່ຽວຕ້ອງຍ່າງຕີນຂຶ້ນໄປ ພາຍໃນເປັນຖ້ຳຂະໜາດນ້ອຍບໍ່ເລິກ ເປັນທີ່ຕັ້ງຂອງພະພຸທົດຮູບຫລວງຫລາຍ ແຕ່ທີ່ໂດດເດັ່ນທີ່ສຸດຄືອົງພະພຸດທະຮູບສະໄໝສົງຄາມໂລກ ເປັນຖ້ຳທີ່ພະສົງນິຍົມເດິນທາງມານະມັດສະການ ທາງລັດຖະບານ ຈຶ່ງອອກກົດໃຫ້ນັກທ່ອງທ່ຽວທຸກຄົນຕ້ອງຖອດເກີບ ກ່ອນເຂົ້າຖ້ຳ ສຳລັບສຸພາບສະຕີ ຕ້ອງແຕ່ງຕົວໃຫ້ຮຽບຮ້ອຍເທົ່ານັ້ນ ດ້ານໃຕ້ຂອງຖ້ຳບັງ ມີໂພງຖ້ຳທີ່ສາມາດນັ່ງເຮືອເຂົ້າໄປຊົມຫີນງອກຫີນຍ້ອຍໄດ້ອີກ ດ້ວຍມີຄວາມເລີກປະມານ 100 ແມັດ (Read more ...)

3. ຖ້ຳກອງລໍ

ກອງລໍ ຄືຖ້ຳນ້ຳລອດທີ່ໃຫຍ່ທີ່ສຸດແຫ່ງຫນຶ່ງຂອງໂລກ (national geographic) ເປັນຄວາມຍິ່ງໃຫຍ່ທີ່ທຳມະຊາດສ້າງຂຶ້ນມາເພື່ອ ທ້າທາຍຕົວຂອງມັນເອງ ຖ້ຳນ້ຳລອດແຫ່ງນີ້ເປັນສ່ວນຫນຶ່ງຂອງລະບົບນິເວດປ່າຫີນບູນທີ່ຕັ້ງຢູ່ແຂວງຄຳມ່ວນ ໃນເຂດປ່າສະຫງວນແຫ່ງ ຊາດພູຫີນບູນ. (Read more ...)

4. ຖ້ຳນາງແອ່ນ

ຖ້ຳນາງແອ່ນເປັນຖ້ຳທີ່ເກົ່າແກ່ທີ່ທຳມະຊາດສັນສ້າງຂື້ນຢ່າງສວຍສົດງົດງາມ ແລະເປັນທີ່ໜ້າອັດສະຈັັນ.ເປັນເວລາຫລາຍລ້ານປີແລ້ວ ຈົນມາຮອດໃນສະໃໝລາວຕົກເປັນຫົວເມືອງຂື້ນຂອງຟຮັ່ງ .ທ່ານ ໂຟຣມາເຊ ຄົນຟຮັ່ງ ໄດ້ເປັນຄົນຄົ້ນພົບ ແລະທ່ານກໍ່ໄດ້ລົງສໍາຫລວດສະພາບພາຍໃນຖ້ຳເປັນຄົນທຳອິດໃນປີ ຄ.ສ 1927 ໂດຍ ທ່ານ ໂຟຼຣມາເຊ ໄດ້ມີການແຕ້ມແຜນທີ່ການສໍາຫລວດຈາກທິດຕາເວັນອອອກຫາທິດຕາເວັນຕົກອີກດ້ວຍ.ຄົນຍັງເອີ້ນອີກຊື່ໜື່ງວ່າ ຖ້ຳນົກແອ່ນ ຍ້ອນ 20 ກ່ວາປີ (Read more ...)

5. ຖ້ຳຂຸນນ້ຳໂດນ

ແຂວງ​ຄຳ​ມ່ວນ ທີ່​ເປັນ​ເຂດລື ຊື່​ທາງ​ດ້ານ​ທຳ​ມະ​ຊາດ ແລະ ວັດ­ທະ­ນະ­ທຳ​ທີ່​ຫລາກ​ຫລາຍບໍ່​ວ່າ​ຈະ​ເປັນ​ພະ­ທາດ​ສີ​ໂຄດ​ຕະບອງ, ຖ້ຳ​ກອງ​ລໍ ແລະ ອື່ນໆ ນອກ­ຈາກ​ນັ້ນ ຍັງ​ມີ​ຖ້ຳ​ອີກ​ແຫ່ງຫນຶ່ງ​ຄື​ກັນ, ແຕ່​ມັນ​ຈະ​ເປັນ​ຖ້້ຳ​ທີ່ກວມ ແລະ ໂອບ​ກອດ​ເອົາ​ແມ່­ນ້ຳຢູ່​ທາງ​ກ້ອງ​ທີ່​ໄຫລ​ຜ່ານ, ນັ້ນ​ກໍ່​ຄືຂຸນ​ນ້ຳ​ໂດນທີ່​ເປັນ​ຊື່​ເອີ້ນ​ຂອງ ຖ້ຳ​ແຫ່ງ​ນີ້​ມາ​ແຕ່​ສະ­ໄຫມ​ບູ­ຮານ ທັງ​ເປັນ​ສະ­ຖານ­ທີ່​ທ່ອງ​ທ່ຽວທາງ​ດ້ານ​ທຳ​ມະ​ຊາດ​ທີ່​ມີ​ປາແປກ​ປະ­ຫລາດ​ຫລາຍ​ຊະ­ນິດ​ອາໄສ​ຢູ່​ພື້ນ​ແມ່­ນ້ຳ, ເຮົາ​ອາດ​ຈະ​ໄດ້ເຫັນ​ເມື່ອ​ຜ່ານ​ເຂົ້າ​ໄປ​ໃນ​ຖ້ຳແຫ່ງ​ນີ້.

ໃນ​ລະ­ດູ­ແລ້ງ ສາຍ​ນ້ຳ​ດັ່ງກ່າວ​ໄຫລ​ໃສ​ເຢັນ​ຜ່ານ​ລອດກ້ອງ​ປາກ​ຖ້ຳ​ຂຸນ​ນ້ຳ​ໂດນ ມີຄວາມ​ຍາວ​ປະ­ມານ 3 ກິ​ໂລແມັດ ບາງ​ບ່ອນ​ຕື້ນ​ຈົນ​ແນມ​ເຫັນຮອດ​ໂຕ​ປາ ຫລື ບາງ​ບ່ອນ​ເລິກແນມ ​ລົງ​ໄປ​ເປັນ​ສີ­ຂຽວ​ອຸ່ມ​ທຸ່ມ, ພິ­ເສດເຮົາ​ຈະ​ໄດ້​ເຫັນ​ປາ​ທີ່​ແປກໃຫມ່​ຄ້າຍ­ຄື​ກັນ​ກັບ​ປາ​ກາ​ລັງ, ປາ­ປ່ານ ແລະ ອື່ນໆ. ນອກ​ນັ້ນ ເຮົາ​ຍັງ​ຈະ​ໄດ້​ເຫັນ​ປາ​ບໍ່​ມີ​ຕາຫລືປາ​ຕາ­ບອດ. ປາ​ຊະ­ນິດ​ດັ່ງ­ກ່າວ ຄ້າຍ­ຄື​ກັນ​ກັບ​ປາ­ສ້ອຍ​ມີ​ຂະຫນາດ​ນ້ອຍ ແລະ ໂຕ​ອ່ອນແຫລວ ມັນ​ສາ­ມາດ​ຍຶດ​ເກາະ​ກັບສະ­ຖານ­ທີ່​ໃດ​ກໍ່​ໄດ້​ໃນ​ພື້ນ​ນ້ຳ ເພື່ອ​ຫາ​ອາ­ຫານ ແລະ ຫລົບ​ລີກ ຈາກ​ສັດ​ທີ່​ມາ​ທຳ­ຮ້າຍ​ໄດ້​ດີ, ສ່ວນ​ໂຕ​ຂອງ​ມັນ​ເປັນ​ສີ­ຂາວແຊກ​ເຫລືອງ​ອ່ອນ​ແຕ່​ຫົວ​ຮອດຫາງ, ເຖິງ​ວ່າ​ມັນ​ຈະ​ແນມ​ບໍ່​ເຫັນ ແຕ່​ມັນ​ອາ­ໄສ​ປະ­ສາດ​ສຳ­ຜັດ​ທີ່ມະ­ຫັດ­ສະ­ຈັນ​ຂອງ​ມັນ​ເປັນ​ຕົວຊ່ວຍ​ໃນ​ການ​ຫາ​ອາ­ຫານ, ປາຊະ­ນິດ​ນີ້ ມັນ​ຢູ່​ກັນ​ເປັນ​ຫມູ່ ແລະ ອາ­ໄສ​ໃນ​ຖ້ຳ​ຢູ່​ເຂດ​ນ້ຳ​ເລິກ​ປະມານ 150 ແມັດ ຫລື ຫລາຍກວ່າ​ນັ້ນ ແຕ່​ບາງ​ຄັ້ງ​ມັນ​ຈະ​ຂຶ້ນມາ​ບ່ອນ​ຕື້ນໆ​ໃຫ້​ເຮົາ​ເຫັນ​ ຖ້າຫາກ​ເຮົາ​ບໍ່​ກວນ​ນ້ຳ​ແຮງ, ສາເຫດ​ຄົງ​ເປັນ​ຍ້ອນ​ພວກ​ມັນ​ດຳລົງ​ຊີ­ວິດ​ໃນ​ສະ­ພາບ​ແວດ​ລ້ອມທີ່​ຄວບ​ຄຸມ​ໄປ​ດ້ວຍ​ຄວາມ​ມືດນັ້ນ​ເອງ, ຕາມ​ການ​ບອກ­ເລົ່າຂອງ​ຊາວ­ບ້ານ​ຜູ້​ຊຳ­ນານ​ໃນເຂດ​ນີ້​ເພິ່ນ​ເວົ້າ​ວ່າ ເມື່ອ​ປີ 1998 ນັກ​ສຳ​ຫລວດ ຊາວ​ຝຣັ່ງກຸ່ມ​ຫນຶ່ງ​ໄດ້​ຄົ້ນ​ພົບ​ຕະ­ກຸນ​ສັດ​ຊະນິດ​ຫນຶ່ງ ທີ່​ບໍ່​ມີ​ເຂດ​ໃດ​ຄ້າຍ­ຄື ໂດຍ​ສະ­ເພາະ​ກໍ່​ເປັນ​ປາ​ຕາ­ບອດຊະ­ນິດ​ນີ້​ເປັນ​ເທື່ອ​ທຳ​ອິດ​ທີ່​ໄດ້ຄົ້ນ​ພົບ​ໃນ​ແຂວງ​ຄຳ​ມ່ວນ ເຊິ່ງເປັນ​ປາ​ສາຍ​ພັນ​ທີ່​ຫາ​ຍາກ​ໃນ ສປປ ລາວ, ພາຍ​ໃນ​ຖ້ຳ​ຈະ​ໄດ້ຍິນ​ສຽງ​ຂອງ​ນົກ ແລະ ເຈຍ​ບາງ ຊະ­ນິດ​ທີ່​ສົ່ງ​ສຽງ​ຮ້ອງ​ໃຫ້​ໄດ້​ຍິນ ແລະ ຈະ​ມີ​ສຽງ​ສະ­ທ້ອນ​ກັບ​ຄືນມາ​ເມື່ອ​ເຮົາ​ລົມ​ກັນ​ແຮງ​ແດ່​ຈັກຫນ້ອຍ, ແຕ່​ກໍ່​ເປັນ­ຕາ​ຢ້ານ​ເພາະຖ້ຳ​ມັນ​ມືດ​ມິດ​ອ້ອມ​ໄປ​ດ້ວຍ​ອຸບມົງ​ຂອງ​ເພ­ດານ​ຖ້ຳ, ບາງ​ຄັ້ງ​ກໍ່ໄດ້​ໃຊ້​ໄຟ​ເຍືອງ​ທາງ​ເຖິງ​ວ່າ​ຈະເປັນ​ຍາມ​ກາງ­ເວັນ​ກໍ່​ຕາມ.

ຫນ້າ­ຜາ​ຫີນ​ປູນ​ສູງ​ຊັນ​ປະມານ 300 ແມັດ ຢູ່​ຂ້າງ​ນອກ​ທາງ ເຂົ້າ​ຖ້ຳບັນ­ດາ​ນັກ​ທ່ອງ​ທ່ຽວ​ສາມາດ​ຂີ່​ເຮືອ​ທ່ຽວ​ປ່າ​ນາໆ​ຊະ­ນິດໄດ້​ໃນ​ລະ­ດູ­ແລ້ງ ສະ­ຖານ­ທີ່​ດັ່ງກ່າວ​ເຫມາະ​ສົມ​ກັບ​ການ​ເຂົ້າ​ໄປໃນ​ຖ້ຳ​ດ້ວຍ​ການ​ລົງ​ອາບ­ນ້ຳ, ລອຍ­ນ້ຳ​ຫລິ້ນ​ຢ່າງ​ສະ­ບາຍ ແລະ ບໍ່​ເປັນ​ເງື່ອນ­ໄຂ​ອັນ​ແສນ​ສຳ­ລານສຳ­ລັບ​ການ​ກິນ​ເຂົ້າ​ປ່າ​ຢູ່​ໃນອ້ອມ​ກອດ​ຂອງ​ທຳ​ມະ​ຊາດ​ທີ່ເຕັມ​ໄປ​ດ້ວຍ​ປ່າ­ໄມ້​ໃຫ້​ຄວາມ​ຮົ່ມເຢັນ ແລະ ສົດ­ຊື່ນ​ຊີ­ວິດ​ຊີ­ວາ. ສະເພາະ​ລະ­ດູ­ຝົນ​ເຊັ່ນ​ນີ້ ປະ­ລິ­ມານນ້ຳ​ເພີ່ມ​ຂຶ້ນ​ອັນ​ເປັນ​ເຫດ​ໃຫ້​ແມ່ນ້ຳ​ກວ້າງ ແລະ ເລິກນັບ​ວ່າ​ເປັນຄວາມ​ສະ­ດວກ​ອີກ​ຢ່າງ​ຫນຶ່ງ​ໃນການ​ຂີ່​ເຮືອ​ເລາະ​ຊົມ ແລະ ກໍ່​ມີ​ຫໍບູ­ຊາ​ຂະ­ຫນາດ​ນ້ອຍ​ຕັ້ງ​ຢູ່​ເປັນຈຸດ​ທີ່​ຊາວ­ບ້ານ​ໃນ​ທ້ອງ­ຖິ່ນ​ເຊື່ອກັນ​ວ່າ ເປັນ​ສະ­ຖານ­ທີ່​ສັກ­ສິດ​ໃນເຂດ​ຖ້ຳ​ແຫ່ງ​ນີ້.

6. ທາດຕຸມພະວັງ ບ້ານນາວາງ

ພຣະ ທາດຕູມພະວັງ ຕັ້ງຢູ່ບ້ານນາວາງເຫນືອ ເມື່ອງ ຫນອງບົກ ແຂວງ ຄຳມ່ວນ ໃນເຂດແຄມ ແມ່ນ້ຳເຊບັ້ງໄຟ ເຊິ່ງເປັນແມ່ນ້ຳສາຍເລືອດທີ່ຫລໍ່ລ້ຽງ ຄົນລາວເຮົາມາແຕ່ບູຮານຫລືສະໄຫມດຶກດຳບັນ ຈົນເຖິງເທົ່າທຸກວັນນີ້ ແຕ່ສະພາບຫລາຍຢ່າງກໍວິວັດຈະເລີນຂຶ້ນຕາມການເວລາ ແຕ່ສີລະປະຮີດຄອງປະເພນີອັນດີງາມ ກໍວິວັດທະນາການຕາມການເວລາເຊັ່ນດຽວກັນ ແລະ ບາງໄລຍະບາງເວລາ ລະບົບການເມືອງ ຫລື ລະບອບການປົກຄອງ ກໍມີຜົນກະທົບຕໍ່ຮີດຄອງປະເພນີ ແລະ ວັດທະນະທັມຢ່າງປາສະຈາກບໍໄດ້, ພຣະທາດຕູມພະວັງ ຕັ້ງຢູ່ໃນຂົງເຂດ ອານາຈັກສີໂຄດຕະບອງ ແຫ່ງທຳອິດ ທີ່ຕັ້ງຢູ່ຫ່າງຈາກປາກແມ່ນ້ຳເຊບັ້ງໄຟ ປະມານ 15 ກີໂລແມັດ ໃນເຂດ ບ້ານສະດືແລະບ້ານຫນອງເຮືອທອງ ໃນບໍດົນມານີ້ມີການຂຸດພົບ ວັດຖຸມີຄ່າສະໄຫມຕັ້ງອານາຈັກ ສີໂຄດຕະບອງ ແລະສິ່ງທີ່ຍັງຫລົງເຫລືອຢູ່ກໍ ແມ່ນດີນຈີ່ ແລະສິ່ງເສດເຫລືອເລັກນ້ອຍ ແຕ່ຫນ້າເສຍດາຍພາກສວ່ນທີ່ກ່ຽວຂ້ອງ ກັບລະເລີຍຍ້ອນຂາດແຫລ່ງທຶນຫລື ຄວາມຮູ້ວິຊາການ ໃນການປົກປັກຮັກສາ ມູນມໍລະດົກອັນດີງາມແນວນີ້ໄວ້. ສ່ວນພຣະທາດຕູມພະວັງ ຕັ້ງຫຍັບຂຶ້ນມາຈາກ ອານາຈັກສີໂຄດຕະບອງ ບໍເຖິງ ສິບຫລັກກິໂລແມັດ ບາງເທື່ອອາດແມ່ນສ້າງສະໄຫມດຽວກັນ ຍ້ອນວ່າ ຕັ້ງຢູ່ໄກ້ກັບພຣະທາດພະນົມ ບໍເຖິງສີບຫລັກກີໂລແມັດ ເຊິ່ງ ແມ່ນພຣະທາດທີ່ຄົນລາວລ້ານຊ້າງສ້າງໄວ້ ແຕ່ດວ້ຍຜົນກະທົບຈາກເມືອງການປົກຄອງ ການລ່າອານານິຄົມຈິ່ງ ເຮັດໃຫ້ດິນລາວແຍກອອກເປັນສອງຕອນໃຫຍ່ໆ ຄືລາວຝັ່ງຊ້າຍປົກຄອງດວ້ຍຄົນລາວແທ້ໆ ແລະລາວຝັ່ງຂວາ ຄືໄທອີສານແມ່ນໄທປົກຄອງ ນັ້ນເອງ, ຕາມການບອກເລົ່າຂອງຄົນເຖົ້າຄົນແກ່ ຕາມສອງຝາກຝັ່ງແມ່ນ້ຳຂອງບໍລິເວນໄກ້ຄຽງ ເລົ່າຂານສືບໆຕໍ່ກັນມາວ່າ: ການສ້າງພຣະທາດຕຸມພະວັງ ແມ່ນເອົາດິນເສດເຫລືອ ຈາກການສ້າງພຣະທາດພະນົມ ມາສ້າງ ຍ້ອນປະຊາຊົນທີເຫລື້ອມໃສສັດທາ ໃນພຣະພູດທະສາສະຫນາ ໄດ້ນຳເອົາດິນຈີ່ດີນຫນຽວ ນ້ຳປູນ ນ້ຳແຊ່ຫນັງ ເຊິ່ງເປັນສ່ວນປະກອບໃນການກໍ່ສ້າງ ຂອງຄົນລາວລ້ານຊ້າງ ສະໄຫມນັ້ນໃຊ້ກໍ່ສ້າງ ນ້ຳໄປສ້າງພຣະທາດພະນົມທີ່ມາຈາກທຸກສາລະທິດ ແຕ່ພວກທີ່ລ່ອງຕາມລຳເຊບັ້ງໄຟ ໄປຊ້າບໍທັນໄດ້ຂ່າວວ່າສ້າງສຳເລັດແລ້ວຈິ່ງໄດ້ ເອົາເຄືອງຂອງເຫລົ່ານັ້ນວາງໄວ້ແຄມເຊບັ້ງໄຟ ແລະເອົາແຕ່ເຄື່ອງຄ້ຳຂອງຄູນໄປສົມທົບໃນການສະຫລອງ, ແລະກັບມາສ້າງພຣະທາດຕຸມພະວັງ ໄວ້ເປັນສັນຍາລັກຈົນເທົ້າເຖິງທຸກວັນນີ້ ບໍລິເວນບ້ານດັ່ງກ່າວກໍ່ໄດ້ໃສ່ຊື່ວ່າ:ບ້ານນາວາງ ແລະບໍລິເວນບ້ານ ແຫ່ງນີ້ກໍເປັນບ້ານອຸປະຖາກອຸປະຖັມ ພຣະທາດພະນົມ ຍ້ອນສະໃຫມ່ນັ້ນແມ່ນເປັນຈຸດສູນກາງ ຂອງການສຶກສາຮ່ຳຮຽນຂອງຄົນລາວລ້ານຊ້າງ ສອງຝັ່ງຂອງຕະຫລອດມາ ຈົນຮອດສະໄຫມຝລັ່ງ ແລະ ສະຫຍາມແບ່ງແຍກດິນລາວ ສອງຝາກຝັ່ງປັນກັນປົກຄອງຈິງເຮັດໃຫ້ຄົນລາວ ຕັດແຍກທາງດ້ານການປົກຄອງຈົນເຖິງທຸກວັນນີ້, ສຳລັບພຣະທາດພະນົມ ຍັງມີບ້ານທີ່ຮັກສາບັ້ງຈຸ້ມຫລື ຫນັງສືຜູກໃບລານ ທີ່ເວົ້າເຖິງພິທີການສະເຫລີມສະຫລອງ ພຣະທາດພະນົມຫລືຜູ້ນຳພາພິທີນັ້ນກໍຄື:ຊາວບ້ານດົງທ່າ, ບ້ານດົງເທິງ ເຊິ່ງຕັ້ງຢູ່ໃນຂົງເຂດ ດິນແດນແຂວງສະຫວັນນະເຂດ., ສຳລັບການສະເຫລີມສະຫລອງ ພຣະທາດພະນົມ, ພຣະທາດຕູມພະວັງ ແລະ ພຣະທາດສີໂຄດຕະບອງ ແມ່ນສະຫລອງມື້ດຽວກັນຄື: ເດືອນສາມເພັງຂອງທຸກໆປີ

7. ປ່າສະຫງວນແຫ່ງຊາດພູຫີນປູນ

ປ່າ​ສະ­ຫງວນ​ແຫ່ງ​ຊາດພູ​ຫີນ​ປູນ (ຄຳເຄົ້າ: ປ່າສງວນແຫ່ງຊາຕພູຫີນປູນ[໑]) ຕັ້ງ​ຢູ່​ແຂວງ​ຄຳ​ມ່ວນ ພາກ​ກາງ­ຂອງ​ລາວ​ເປັນ​ດິນແດນ​ທີ່​ອຸ­ດົມ­ສົມ­ບູນ​ໄປ​ດ້ວຍ​ທຳມະ​ຊາດ ແລະ ຊີ­ວະ​ນາໆພັນ ມີຫີນ​ປູນ​ທີ່​ເປັນ​ຈອມ​ຊໍ່​ຊອນ​ສະຫລັບ​ຊັບ­ຊ້ອນ​ກັນ ແລະ ມີ​ຮ່ອມ​ພູທີ່​ລຶກ​ລັບ ຫ່າງ​ໄກ​ຈາກ​ໂລກ​ພາຍ ນອກບັນ­ດາ​ຖ້ຳ ແລະ ສາຍ​ນ້ຳລຳ​ທານ​ທີ່​ເກີດ​ຂຶ້ນ​ແບບ​ມະ​ຫັດສະ​ຈັນ ພ້ອມ​ທັງ​ນ້ຳ​ອອກ​ບໍ່​ຕ່າງໆນຳ​ອີກ.

ພູ​ຫີນ​ປູນ ເປັນ​ເຂດ​ພູ​ສູງ​ລຽນກັນ​ຂຶ້ນ​ເປັນ​ຊັ້ນໆ​ມີ​ລັກ­ສະ­ນະ​ສູງຊັນ​ມີ​ເຫວ​ເປັນ​ບາງ​ບ່ອນ ແລະ ມີນ້ຳ​ອອກ​ບໍ່​ທີ່​ໄຫລ​ມາ​ຕາມ​ຮ່ອມ​ພູລົງ​ສູ່​ຫ້ວຍ​ດ້ານ​ລຸ່ມທັງ​ຫມົດ​ນີ້ ແມ່ນ​ປົກ​ຄຸມ​ໄປ​ດ້ວຍ​ປ່າ­ໄມ້​ຂຽວສະ​ອຸ່ມ​ຕະ­ຫລອດ​ປີ ນັບ​ວ່າ​ເປັນບ່ອນ​ເຕົ້າ­ໂຮມ​ຂອງ​ຝູງ​ສັດ​ທຸກຊະ­ນິດ​ກໍ່​ວ່າ​ໄດ້​ທີ່​ອາ­ໄສ​ໃນ​ເຂດປ່າ­ດົງ​ອັນ​ຕຶບ­ຫນາ​ແບບ​ນີ້, ທັງເປັນ​ເຮືອນ​ຮັງ​ຂອງ​ພວກ​ມັນ​ມາແຕ່​ດຶກ​ດຳ​ບັນ, ນອກ​ນັ້ນ ຍັງ​ມີຖ້ຳ​ນຳ​ອີກເປັນ​ທີ່​ພັກ​ອາ­ໄສ​ຂອງຊີ­ວະ​ນາໆພັນ​ທີ​ປະ­ກອບ​ດ້ວຍ​ພືດຜັກ ແລະ ພັນ​ສັດຫລາກ​ຫລາຍຊະ­ນິດ, ນອກ­ຈາກ​ເສືອ, ທະ­ນີ ທີ່ຫນ້າ​ຮັກ ແລະ ເຈຍ​ຫລາຍ​ຊະ­ນິດແລ້ວ ໃນ​ເຂດ​ສາຍ­ພູ​ແຫ່ງ​ນີ້​ຍັງ​ມີສັດ​ປະ­ເພດ​ຕ່າງໆ​ທີ່​ລ້ຽງ​ລູກດ້ວຍ​ນ້ຳ​ນົມ​ຜ່ານ​ການ​ສຳ​ຫລວດ ໂດຍ​ຄະ­ນະ​ທີມ​ງານ​ນັກ​ວິ­ທະ­ຍາສາດ ເມື່ອ​ບໍ່​ດົນ​ມາ​ນີ້​ຊີ້​ໃຫ້​ເຫັນ​ວ່າແຂວງ​ຄຳ​ມ່ວນ​ມີ​ຊື່​ສຽງແລະທ່າ­ແຮງ ​ທາງ​ດ້ານ​ຊັບ​ພະ­ຍາກອນ​ທຳ​ມະ​ຊາດ​ທີ່​ຫລາກ​ຫລາຍເປັນ​ພື້ນ­ຖານ​ໃຫ້​ແກ່​ການ​ພັດ​ທະນາ​ເສດ­ຖະ­ກິດ-ສັງ­ຄົມ​ຂອງແຂວງ, ທັງ​ເປັນ​ທາງ​ຜ່ານ​ສິນ­ຄ້າຂອງ​ບັນ­ດາ​ປະ­ເທດ​ອ້ອມ​ຂ້າງນຳ​ອີກ.

ເຂດ​ປ່າ​ສະ­ຫງວນ​ແຫ່ງ​ຊາດພູ​ຫີນ​ປູນ ປະ­ກອບ​ດ້ວຍ​ທິວ​ທັດຂອງ​ພູ​ທີ່​ຊໍ່​ຊ້ອນ​ຢ່າງ​ຫລວງຫລາຍ​ຕາມ​ຮ່ອມ​ພູ ຖ້າ​ຫາກ​ເຮົາຈະ​ເດີນ­ທາງ​ເຂົ້າ​ໄປ​ໃນ​ຈຸດ​ທີ່​ຕັ້ງ ແລະ ສະ­ຖານ­ທີ່​ທ່ອງ​ທ່ຽວ​ອື່ນໆ ທ່ານ​ສາ­ມາດ​ເຂົ້າ​ໄປ​ເຖິງ​ໄດ້ ໂດຍ​ໃຊ້​ທາງ​ເລກ​ທີ 13 ໃຕ້ ຫລື ຈາກ​ບ້ານ​ນາ​ຫີນຕາມ​ທາງ​ເລກ 8 ບາງ​ຄັ້ງ​ອາດ​ຈະ​ຂີ່​ລົດ​ຈາກເມືອງ​ທ່າ​ແຂກ​ຕາມ​ທາງ​ເລກ​ທີ 12 ຢູ່​ທາງ​ທິດ­ໃຕ້ ຖ້າ​ຈະ​ເດີນທາງ​ຈາກ​ນະ­ຄອນ­ຫລວງ​ວຽງຈັນ ໄປ​ທ່ຽວ​ຊົມ​ເຂດ​ພູ​ຫີນ​ປູນທ່ານ​ສາ­ມາດ​ຂັບ​ລົດ​ໄປ​ຕາມທາງ​ເລກ​ທີ 13 ໃຕ້ ປະ­ມານ 4 ຫລື 5 ຊົ່ວ­ໂມງ​ກໍ່​ເຖິງ​ແລ້ວ ພິ­ເສດຈະ​ໄດ້​ເຮັດ​ກິດ­ຈະ­ກຳ​ໄດ້​ບໍ່​ວ່າ​ຈະເປັນ​ການ​ທ່ຽວ​ປ່າ, ລ່ອງ​ແພ, ປີນ​ເຂົາ ແລະ ທ່ຽວ​ຊົມ​ຖ້ຳ​ພູ​ຫີນປູນ​ໄດ້​ຕາມ​ສະ­ບາຍ ເພາະ​ເປັນສະ­ຖານ­ທີ່​ທ່ອງ​ທ່ຽວ​ທີ່​ມີ​ຊື່​ສຽງແລະມີ​ຖ້ຳ​ໃຫຍ່​ທີ່​ມະ­ຫັດ­ສະ­ຈັນໃນ​ເຂດ​ປ່າ​ສະ­ຫງວນ ​ແຫ່ງ​ນີ້

8. ດິນຈີ່ກາຍເປັນຫີນ ວັດປ່າໂຊກຄຳແສນ

ດິນຈີ່ກາຍເປັນຫີນແມ່ນດິນທີ່ ມີອາຍຸຫລາຍປີ ສະສົມ ຈົນເປັນກ້ອນແຂງຕັ້ງ ຢູ່ວັດປ່າໂຊກຄຳແສນ ເມືອງຫນອງບົກ ແຂວງຄຳມ່ວນ ວັດດັ່ງກ່າວໃນປະຈຸບັນ ແມ່ນ ເປັນສູນປະຕິບັດທັມກຳມະຖານຂອງ ພຣະສົງໃນເຂດ ເມືອງຫນອງບົກ ວັດແຫ່ງນີ້ ເປັນວັດເກົ່າແກ່ມີອາຍຸຍືນນານຫລາຍປີ ອາດຈະສ້າງຕັ້ງຂຶ້ນໃນຍຸກການກໍ່ສ້າງ ພຣະທາດພຣະນົມ ກໍ່ເປັນໄດ້ ຍ້ອນສະຖານທີ່ຕັ້ງແມ່ນຢູ່ໃນບໍລິເວນ ດຽວກັນ ແຕ່ຄົນລະຟາກຂອງ ໃນເຂດອານາຈັກສີໂຄດຕະບອງ ເປັນເສັ້ນທາງລະຫວ່າງ ພຣະທາດພະນົມ ໄປຫາວັດພຣະທາດເມື່ອງເກົ່າ ປະຈຸບັນ ເປັນອານາຈັກແຫ່ງສຸດທ້າຍ ທີ່ການເຄື່ອນຍ້າຍອານາຈັກສີໂຄດຕະບອງ ຕາມ ການບອກເລົ່າ ຂອງ ທ່ານ ດຣ ສຸເນດ ໂພທິສານ ນັກບູຮານຄະດີ ທີ່ເຄີຍເປັນອາດີດຜູ້ອຳນວຍການ ຫໍພິພິດທະພັນແຫ່ງຊາດ, ແລະເປັນຜູ້ຂຽນປະຫວັດສາດລາວ, ໄດ້ກ່າວໄວ້ວ່າ: ອານາຈັກສີໂຄດຕະບອງແຫ່ງທຳ ອິດຕັ້ງຢູ່ລະຫວ່າງ ບ້ານຫນອງເຮືອທອງ ເມືອງໄຊບູລີ ກັບບ້ານສະດື ເມືອງໜອງບົກ, ແລ້ວຍ້າຍໄປຕັ້ງບ່ອນ ສ້າງພຣະທາດພຣະນົມ ໃນປະຈຸບັນ, ແລະ ໄດ້ຍ້າຍຫຍັບຂື້ນໄປ ຕັ້ງທີ່ຈັງຫວັດນະຄອນພະນົມປະຈຸບັນ ແລະໃນເຂດນີ້ ຍັງມີດົງຫວ້ານຫລືສວນຫວ້ານ ຂອງພະຍາສີໂຄດ ໃນເຂດນະຄອນພະນົມ, ແລະຍ້ອນນ້ຳຖ້ວມ ຈິ່ງຍ້າຍຂວ້າມມາ ຕັ້ງຢູ່ຝັ່ງທ່າແຂກ ຈົນເຖິງປະຈຸບັນ, ສະນັ້ນ ສິ່ງປຸກສ້າງ ສິ່ງສະຫລັກຫັກພັງຕ່າງໆຈິ່ງມີຢ່ັງຢາຍທົ່ວໆໄປ ເປັນບໍລິເວນກວ້າງຍ້ອນອານາຈັກສິໂຄດຕະບອງເຄີຍເຮືອງອຳນາດ ມີບົດບາດ, ຈິ່ງເຫັນສິ່ງທີ່ເປັນສັນຍາລັກຈົນເທົ້າທຸກວັນນີ້, ການປົກປັກຮັກສາສົ່ງເສິມ ເປັນສິ່ງທີ່ດີ ຄົນທີ່ເປັນເຊື້ອຊາດລາວ ທັງສອງຝາກຝັ່ງແມ່ນ້ຳຂອງ ເຖິງຊິຕັດຂາດທາງສັນຊາດ ແຕ່ເລືອງມໍລະດົກວັດທະນະທຳ ມີຫລາຍອັນຍັງຄົງຮັກສາໄວ້ ໄດ້ດີສົມຄວນ. ສະນັ້ນ ຝາກເຖິງຜູ້ມີອຳນາດມີບົດບາດ ຈົ່ງຊ່ວຍກັນ ຮັກສາມໍລະດົກ ສິ່ງເກົ່າແກ່ ບໍຄວນປ່ອຍປະລະຖິ້ມ. ຍ້ອນເປັນບ່ອນດຶງດູດນັກທ່ອງທ່ຽວ ແລະເປັນເອກະລັກເອກອ້າງ ຄວາມເປັນຊາດ ໄດ້ດີທີ່ສຸດ ເຮັດໃຫ້ເຮົາຮູ້ບ່ອນໄປບ່ອນມາ ຮູ້ຫນ້າຮູ້ຫລັງ.

Book tour:

Tel:

- Laos: (+85) 62022545777

- Viet Nam: (+84) 165.972.60.68

E-mail: Ideasaobang2007@gmail.com

Facebook: (Click heree)

Office: Laksao - Bolykhamxay - Laos.

Khammuane, Laos, Tour Lào-Lào, Tour Laos, Tours ລາວ, ແຂວງຄຳມ່ວນ, ທ່ອງທ່ຽວລາວ, ພາສາລາວ, ລາວ, 
Laos Travel - Visit Khammouane, ແຂວງຄຳມ່ວນ

ແຂວງຄໍາມ່ວນ, ເຊິ່ງກວມເອົາພື້ນທີ່ຂອງ 16.315 ຕາລາງກິໂລແມັດ (6,299 sq mi) ແລະເປັນສ່ວນໃຫຍ່ຂອງພູມິປະເທດເປັນພູເຂົາປ່າໄມ້, ແມ່ນຊາຍແດນໂດຍ ແຂວງບໍລິຄໍາໄຊ ໄປທາງທິດເຫນືອແລະ Northwest, ຫວຽດນາມ ພາກຕາເວັນອອກ, ແຂວງສະຫວັນນະເຂດ ໄປທາງທິດໃຕ້ແລະ ປະເທດໄທ ກັບ ທິດຕາເວັນຕົກ.

ຖ້າທ່ານມີຄໍາຖາມກ່ຽວກັບ  ຫວຽດນາມກະລຸນາອອກຂໍ້ມູນຂອງທ່ານ, ພວກເຮົາຈະຕອບ

 ລາຄາ: 850.000 LAK https://blogger.googleusercontent.com/img/b/R29vZ2xl/AVvXsEiQSlm3dxko9L5skmbuyYrV5s8p6IoZPwienVQ1kG_edmBHu4ONNzv3b02kBWMXXCsU43puNEDggl8xXI2agIfLD-sK-NEIyiZAKlvd8OQ9aFCuzKjI5eoLbUqDqjWNNRXt-mySNRV8g1qk/s200/250px-Khammouane_Province-Laos.svg.png