Tours
Guide
Book
Visit Xieng Khoang, Laos: ຕາດຄະ.(ແຂວງຊຽງຂວາງ) - ບໍ່ນ້ຳຮ້ອນນ້ອຍບ້ານຊາງ.(ແຂວງຊຽງຂວາງ)
ຢູ່ລະຫວ່າງເສັ້ນທາງໂພນສະຫວັນຫາ ເມືອງໜອງແຮດ 99 ກິໂລແມັດ, ແລະ ຈາກທາງເລກ 7 ເຂົ້າໄປປະມານ 5 ກິໂລແມັດ, ທ່ານສາມາດພົບເຫັນຕາດຄະ ທີ່ເປັນຕາດທຳມະຊາດ ມີຄວາມສວຍງາມເປັນຢ່າງຍິ່ງ. ພາຍໃນຕາດ ປະກອບດ້ວຍຫຼາຍຂັ້ນ. ໃນນັ້ນ ຂັ້ນສຸດທ້າຍມີຄວາມສູງປະມານ 40-50 ແມັດ. ແຕ່ລະຂັ້ນ ມີຄວາມສວຍງາມ ແລະ ສາມາດຍ່າງໄດ້ແຕ່ລຸ່ມຂຶ້ນເທິງ. ຄວາມກ້ວາງຂອງຕາດ ປະມານ 40-50 ແມັດ. ພາຍໃນຕາດ ແລະ ອ້ອມຂ້າງ ປະກອບດ້ວຍຕົ້ນໄມ້ ແລະ ຊີວະນາໆພັນ ທີ່ອຸດົມສົມບູນ. ຕາດຄະ ມີນ້ຳໄຫຼຕະຫຼອດປີ ເປັນນ້ຳທີ່ເກີດຈາກຮູຜາ.
Tour Xieng Khouang, Laos: ປະກາດ ປະກາດ ຊຽງຂວາງ ປຣແກຣມທົວລາວກັບ ທ່ອງທ່ຽວ
ແຫຼ່ງທ່ອງທ່ຽວແຫ່ງນີ້ ຍັງຈະຕ້ອງໄດ້ຈັດສັນແຫຼ່ງທ່ອງທ່ຽວຄືນໃໝ່, ສ້າງແຫຼ່ງທ່ອງທ່ຽວທີ່ສາມາດເຊື່ອມຕໍ່ກັນ ເຮັດໃຫ້ແຫຼ່ງທ່ອງທ່ຽວແຫ່ງນີ້ ຄືກັບວ່າບໍ່ເດີນທາງໄກປານໃດ ແລະ ສ້າງສິ່ງຮອງຮັບຕ່າງໆ ໄວ້ຄອຍບໍລິການນັກທ່ອງທ່ຽວ ທີ່ມາທ່ຽວຊົມ.
ບໍ່ນ້ຳຮ້ອນນ້ອຍບ້ານຊາງ.(ແຂວງຊຽງຂວາງ)
ບ້ານຊາງ ຫ່າງຈາກເທດສະບານຂອງເມືອງຄຳ ປະ ມານ 4 ກິໂລແມັດ, ເປັນບໍ່ນ້ຳທຳມະຊາດເກີດຂຶ້ນ ຢູ່ແຄມນ້ຳມັດ,ເຊິ່ງເປັນ ທ່າອາບນ້ຳຂອງປະຊາຊົນ. ໃນລະດູຝົນນ້ຳຈະຖ້ວມ, ນັກທ່ອງທ່ຽວ ທີ່ໄປທ່ຽວຊົມແຫ່ງນີ້ ທ່ານຈະພົບເຫັນຜະລິດຕະພັນຈາກການຕ່ຳຫູກທໍໄໝ ຂອງປະຊາຊົນບ້ານຊາງ. ໃນເດືອນທັນວາຂອງທຸກໆປີ ທ່ານຈະພົບເຫັນງານ ບຸນປະເພນີຂອງຊົນເຜົ່າຄະມຸ.
ນ້ຳດັ່ງກ່າວ ມີອຸນຫະພູມ ປະມານ 60 ອົງສາ. ປະຈຸບັນ ໄດ້ເປີດເປັນແຫຼ່ງທ່ອງທ່ຽວແລ້ວ ໂດຍມີແຜນປັບປຸງເປັນແຫຼ່ງທ່ອງທ່ຽວຄົບວົງຈອນເຊັ່ນວ່າ: ບ່ອນອາບນ້ຳແຮ່, ໂຮງອົບນວດ, ຮົມຢາ, ຍ່າງປ່າທ່ຽວຊົມທຳມະຊາດ ແລະ ໄຫຫີນ, ຮ້ານອາຫານ ແລະ ເຮືອນພັກແຮມປະຊາຊົນ.
ທ່ຽວຊົມບໍ່ນ້ຳຮ້ອນບ້ານນາທອງ ເມືອງຄຳ ແຂວງຊຽງຂວາງ
+ ເມືອງຄຳ ແມ່ນເມືອງຫນຶ່ງ ທີ່ຂຶ້ນກັບແຂວງຊຽງຂວາງ ເຊິ່ງ ນອກຈາກຈະມີສະຖານທີ່ວັດ ວາອາຣາມ, ປູຊະນິຍະຖານອັນ ເກົ່າແກ່ ແລະ ສັກສິດທີ່ຫນ້າສັກ ກາລະບູຊາແລ້ວຍັງປະ ກອບມີ ທິວທັດທຳມະຊາດ ແລະ ພູຜາ ປ່າໄມ້ອັນຂຽວສົດງົດງາມ ພ້ອມ ທັງມີບໍ່ນ້ຳຮ້ອນທີ່ເກີດຈາກທຳ ມະຊາດຢ່າງຫນ້າງຶດງໍ້ອັດສະ ຈັນ ໃນນັ້ນບໍ່ນ້ຳຮ້ອນທີ່ມີຄວາມ ໂດດເດັ່ນ ແລະ ສວຍງາມນັ້ນຄືບໍ່ນ້ຳຮ້ອນ ບ້ານນາທອງ ເມືອງຄຳ ແຂວງຊຽງຊຽງ. ບໍ່ນ້ຳຮ້ອນ ບ້ານນາທອງ ແມ່ນຕັ້ງຢູ່ບ້ານນາທອງ ຫ່າງຈາກເທ ສະບານເມືອງຄຳ ປະມານ 8 ກິ ໂລເທົ່ານັ້ນ, ເປັນບໍ່ ນ້ຳຮ້ອນທີ່ ເກີດຂຶ້ນຈາກພື້ນດິນທີ່ໃສສະ ອາດ ແລະ ໄຫຼຕະຫຼອດປີ, ບໍ່ນ້ຳ ຮ້ອນແຫ່ງນີ້ມີອຸນຫະພູມປະ ມານ 45-50 ອົງສາ ແລະ ໃນ ປັດຈຸບັນພໍ່ແມ່ປະຊາຊົນພາຍໃນ ບ້ານດັ່ງ
ກ່າວໄດ້ ພ້ອມພາກັນ ສ້າງເປັນອ່າງຈຳນວນຫຼາຍ ແຫ່ງເພື່ອເປັນບ່ອນລົງອາບ ໂດຍສະເພາະແມ່ນໃນລະດູໜາວ.
ໃນປັດຈຸບັນບໍ່ນ້ຳຮ້ອນບ້ານນາ ທອງ ໄດ້ຮັບການພັດທະນາໃຫ້ ເປັນແຫຼ່ງທ່ອງທ່ຽວແບບປະຊາ ຊົນມີສ່ວນຮ່ວມ ເຊິ່ງປະກອບມີ ສະຖານທີ່ຮົມຢາພື້ນເມືອງ, ອາບນ້ຳແຮ່, ນອກນັ້ນນັກທ່ອງ ທ່ຽວຍັງສາມາດຍ່າງ ປ່າເພື່ອ ຊົມເບິ່ງທຳມະຊາດພູຜາປ່າໄມ້, ມີບ່ອນວາງສະແດງສິນຄ້າຈາກ ຜະລິດຕະພັນຕ່ຳຫູກສີໄມ້ລາຍມື ຂອງຊາວບ້ານໃຫ້ທ່ຽວຊົມ ແລະ ສຶກສາຫາຄວາມຮູ້, ມີເຄື່ອງທີ່ລະ ນຶກຈຳນວນຫຼາຍຊະນິດຄອຍໄວ້ ບໍລິການ ໃຫ້ແກ່ນັກທ່ອງທ່ຽວຊື້ ໄວ້ເປັນຂອງຝາກຂອງຕ້ອນຫຼື ໄປນຳໃຊ້ໃນຄອບຄົວຂອງ ຕົນ ເຊິ່ງຕະຫຼອດໄລຍະຫນຶ່ງປີ ທີ່ຜ່ານມາມີນັກທ່ອງທ່ຽວ ຫຼາຍພາກສ່ວນທັງພາຍໃນ ແລະ ຕ່າງປະເທດມາທ່ອງທ່ຽວບໍ່ນ້ຳ ຮ້ອນ ແຫ່ງນີ້ຈຳນວນຫຼາຍ, ສາ ມາດສ້າງລາຍຮັບໃຫ້ແກ່ພໍ່ແມ່ ປະຊາຊົນ, ຜູ້ປະກອບການກໍຄື ຂະແຫນງການທີ່ກ່ຽວຂ້ອງເປັນ ຈຳນວນຫຼາຍສົມຄວນ, ສ່ວນ ເສັ້ນທາງເຂົ້າໄປກໍມີຄວາມສະ ດວກສະບາຍສາມາດໄປມາໄດ້ ທັງສອງລະດູ, ນອກນັ້ນ, ຍັງມີ ສະຖານທີ່ພັກເຊົາ, ບໍລິການອາ ຫານ, ເຄື່ອນດື່ມອີກດ້ວຍ ຊາວ ບ້ານນາທອງ ຍິນດີຕ້ອນຮັບ ທຸກໆທ່ານ.
ເອົາເປັນວ່າເມື່ອທ່ານໄດ້ມາ ຮອດແຂວງຊຽງຂວາງແລ້ວ ແມ່ນໃຫ້ນຶກເຖິງສະຖານທີ່ທ່ອງ ທ່ຽວບໍ່ນ້ຳຮ້ອນບ້ານນາທອງ ເຊິ່ງເປັນສະຖານທີ່ທ່ອງທ່ຽວທີ່ ຫນ້າງຶດງໍ້ອັດສະຈັນທາງດ້ານ ປາກົດການທຳມະຊາດ, ທ່ານ ຈະໄດ້ສຳພັດກັບບັນຍາກາດໃນ ເຂດນັ້ນເຫມາະສົມໃນການພັກ ຜ່ອນຢ່ອນອາລົມ ດ້ວຍການລົງ ໄປແຊ່ນ້ຳຮ້ອນ ເພື່ອເຊົາເມື່ອຍ, ທັງສ້າງຄວາມສົດຊື່ນໃຫ້ແກ່ ຮ່າງກາຍ ແລະ ຈິດໃຈອີກດ້ວຍ ເພາະມັນມີແຮ່ ທາດຈາກທຳມະ ຊາດທີ່ເປັນປະໂຫຍດຕໍ່ສຸຂະພາບ ແລະ ມີສັບພະຄຸນທາງການຢາ ສາມາດປິ່ນປົວພະຍາດທາງຜິວ ຫນັງບາງຊະນິດໄດ້ ສ່ວນຄ່າບໍ ລິການຜູ້ຫນຶ່ງມີພຽງແຕ່ 5.000 ກີບ, ທັງເປັນການສົ່ງເສີມແລະ ສ້າງໃຫ້ບ້ານກໍຄືພໍ່ແມ່ປະຊາຊົນ ໄດ້ມີລາຍຮັບປະກອບສ່ວນເຮັດ ໃຫ້ເຂົາເຈົ້າມີເສດຖະກິດຫມັ້ນ ທ່ຽງ, ມີລາຍຮັບທີ່ຫມັ້ນຄົງແລະ ເຮັດໃຫ້ຊີວິດການເປັນຢູ່ນັບມື້ ດີຂຶ້ນ.
ໂດຍ: ຈັນທະວົງ
Laos, Xieng khuang, ຊຽງຂວາງ, ແຂວງຊຽງຂວາງ
Visit Xieng Khoang, Laos: ຕາດຄະ.(ແຂວງຊຽງຂວາງ) - ບໍ່ນ້ຳຮ້ອນນ້ອຍບ້ານຊາງ.(ແຂວງຊຽງຂວາງ)
ຢູ່ລະຫວ່າງເສັ້ນທາງໂພນສະຫວັນຫາ ເມືອງໜອງແຮດ 99 ກິໂລແມັດ, ແລະ ຈາກທາງເລກ 7 ເຂົ້າໄປປະມານ 5 ກິໂລແມັດ, ທ່ານສາມາດພົບເຫັນຕາດຄະ ທີ່ເປັນຕາດທຳມະຊາດ ມີຄວາມສວຍງາມເປັນຢ່າງຍິ່ງ. ພາຍໃນຕາດ ປະກອບດ້ວຍຫຼາຍຂັ້ນ. ໃນນັ້ນ ຂັ້ນສຸດທ້າຍມີຄວາມສູງປະມານ 40-50 ແມັດ. ແຕ່ລະຂັ້ນ ມີຄວາມສວຍງາມ ແລະ ສາມາດຍ່າງໄດ້ແຕ່ລຸ່ມຂຶ້ນເທິງ. ຄວາມກ້ວາງຂອງຕາດ ປະມານ 40-50 ແມັດ.
|