Tours
Guide
Book
ບໍ່ນ້ຳຮ້ອນເມືອງຄຳ.(ແຂວງຊຽງຂວາງ) - ຖ້ຳປິວ.(ແຂວງຊຽງຂວາງ)
Visit Xieng Khoang, Laos:ບໍ່ນ້ຳຮ້ອນເມືອງຄຳ.(ແຂວງຊຽງຂວາງ) - ຖ້ຳປິວ.(ແຂວງຊຽງຂວາງ)
ປະຈຸບັນ ເຮືອນພັກ ແລະ ແຫຼ່ງທ່ອງທ່ຽວບໍ່ນ້ຳຮ້ອນ ແມ່ນໄດ້ຖືກປັບປຸງ, ສ້າງເຮືອນພັກຂຶ້ນໃໝ່ ໂດຍການສຳປະທານຈາກເອກະຊົນ ເຮັດໃຫ້ມີຄວາມສະດວກ ສະບາຍຫຼາຍຂຶ້ນ ແຕ່ກໍ່ຍັງບາງຢ່າງ ທີ່ຈະຕ້ອງໄດ້ປັບປຸງເຊັ່ນວ່າ: ການຈັດສັນແຫຼ່ງທ່ອງທ່ຽວ ໃຫ້ມີຄວາມກົມກືນກັບທຳມະຊາດ.
ຫ່າງຈາກເທດສະບານເມືອງຄຳ ໄປຕາມສາຍທາງ ເລກທີ 7 ທາງທິດຕາເວັນອອກສ່ຽງໃຕ້ ປະມານ 17 ກິໂລແມັດ, ເປັນບໍ່ນ້ຳຮ້ອນທຳມະຊາດ ທີ່ມີຄວາມຮ້ອນ ປະມານ 40 ອົງສາ.
ບໍລິເວນອ້ອມຂ້າງ ປະກອບດ້ວຍຕົ້ນໄມ້ໃຫ່ຍນາໆຊະນິດ ເຊິ່ງປະຊາຊົນເຊື່ອວ່າ ເປັນດົງສັກສິດມາແຕ່ດົນ ນານ, ແຫຼ່ງທ່ອງທ່ຽວແຫ່ງນີ້ ເປັນແຫຼ່ງທ່ອງທ່ຽວ ທີ່ເປີດບໍລິການແລ້ວ. ເໝາະແກ່ການມາພັກຜ່ອນຢ່ອນໃຈຂອງນັກທ່ອງທ່ຽວຕ່າງຊາດ ທີ່ມີຄວາມຕ້ອງການອາບນ້ຳແຮ່ ແລະ ພັກຜ່ອນໃນບ່ອນທີ່ມີປ່າໄມ້ທີ່ຮົ່ມເຢັນ.
ຖ້ຳປິວ.(ແຂວງຊຽງຂວາງ)
ເລີ່ມແຕ່ປີ 1964 (ສົງຄາມເພີ່ມທະວີຢູ່ລາວ) ຂອງອາເມລິກາ ແລະ ລູກມື ຫວັງດັບມອດຂະບວນການຕໍ່ສູ້ເພື່ອສັນຕິພາບ ແລະ ເອກະລາດແຫ່ງຊາດ ຂອງປະຊາຊົນເຮົາ; ໄດ້ເພີ່ມທະວີຄວາມດຸເດືອດ ແລະ ຮຸນແຮງເລື້ອຍໆ, ພວກເຂົາ ໄດ້ເປີດສາກບຸກໂຈມຕີເຂົ້າເຂດປົດປ່ອຍ ຂອງກ່ຳລັງຮັກຊາດ ດ້ວຍຫຼາຍບັ້ນຮົບໃນຂອບເຂດທົ່ວປະເທດ. ຢູ່ຊຽງຂວາງ, ພວກເຂົາໄດ້ເປີດຫຼາຍບັ້ນຮົບ ດ້ວຍຍຸດໂທບາຍ 3 ກ້ຽງ, ຂ້າກ້ຽງ, ທຳລາຍກ້ຽງ, ດັບສູນກ້ຽງ. ແຕ່ຍຸດທະສາດບຽດຍຶດຂອງພວກເຂົາ; ເຂດປົດປ່ອຍຂອງພວກເຮົາ ໄດ້ຖືກກຳລັງຮັກຊາດ ແລະ ປະຊາຊົນເຮົາ ຕໍ່ຕ້ານຢັນຄືນຢ່າງດຸເດືອດ ພິລະອາດຫານ, ສາມາດຕີຖອຍ ແລະ ເປີດກວ້າງເຂດປົດປ່ອຍຂຶ້ນເລື້ອຍໆ; ພາຍໃຕ້ການນຳພາຂອງສູນກາງພັກ ໂດຍສະເພາະຂອງຄະນະພັກການທະຫານແຂວງຊຽງຂວາງ ໂດຍແມ່ນ ທ່ານ ສະໝານ ວິຍະເກດ ເປັນຜູ້ບັນຊາການສູງສຸດ, ສາມາດທັບມ້າງກົນອຸບາຍບຽດຢຶດ ເຂດປົດປ່ອຍຂອງພວກເຂົາ ໃຫ້ປະລາໄຊລົງ. ຍ້ອນການປະລາໄຊອັນເຈັບແສບ ຢູ່ບັ້ນຮົບຕ່າງໆນັ້ນ;
ພວກເຂົາຈຶ່ງເພີ່ມທະວີຝູງຍົນສູ້ຮົບຍິງທຳລາຍເຜົາຜານເຂດປົດປ່ວຍຢ່າງປ່ວງບ້າ, ໃຊ້ຍົນຖິ້ມລະເບີດຢ່າງບໍ່ເລືອກເປົ້າໝາຍ, ຕະຫຼອດຮອດ ເຮືອນຊານບ້ານຊ່ອງຂອງປະຊາຊົນ, ໂຮງຮຽນ, ໂຮງໝໍ, ວັດວາອາຮາມ, ນັບທັງຊີວິດ ແລະ ຊັບສິນຂອງປະຊາຊົນ ຈົນນັບບໍ່ຖ້ວນ. ໃນນັ້ນ ມີເຫດການໜຶ່ງ ທີ່ທຸກຄົນອາດລືມບໍ່ໄດ້ ນັ້ນກໍ່ຄື: ໂສກອະນາດຕະກຳ ຈາກການຍິງລູກສອນໄຟໃສ່ຖ້ຳປິວເມືອງຄຳ, ແຂວງຊຽງຂວາງ ຂອງກຳລັງອາກາດສະຫະລັດອາເມລິກາ ໃນມື້ວັນທີ່ 24 ພະຈິກ 1968 ໄດ້ເຂ່ັນຂ້າປະຊາຊົນທີ່ລີ້ໄພຢູ່ໃນນັ້ນ ເສຍຊີວິດພາບດຽວ 374 ຄົນ ໃນພຽງສ້ຽວວິນາທີ. ດັ່ງນັ້ນ ໃນວັນທີ່ 24 ເດືອນພະຈິກຂອງທຸກໆປີ ຈຶ່ງກາຍເປັນວັນຄຽດແຄ້ນສົງຄາມຮຸກຮານ, ເປັນວັນລະນຶກ ແລະ ໄຫວ້
ອາໄລ ເຖິງດວງວິນຍານຂອງພໍ່ແມ່ປະຊາຊົນຜູ້ບໍລີສຸດ ເຊິ່ງຕົກເປັນເຫຍື່ອເຄາະຮ້າຍຈາກເຫດການຄັ້ງນັ້ນ. ພວກເພິ່ນໄດ້ສະຫຼະຊີວິດ, ເລືອດເນື້ອ ເພື່ອເອກະລາດແຫ່ງຊາດ, ເພື່ອ ຄວາມສົມດູນພູນສຸກຂອງພວກເຮົາໃນວັນນີ້.
ແຫຼ່ງທ່ອງທ່ຽວຖ້ຳປີວນີ້ ຍັງຈະຕ້ອງໄດ້ປັບປຸງເສັ້ນທາງເຂົ້າໃຫ້ມີຄວາມສະດວກສະບາຍຂຶ້ນ ແລະ ສາມາດຮອງຮັບໃຫ້ແກ່ງານບຸນຖ້ຳປິວແຫ່ງນີ້ ແລະ ຍັງຈະໄດ້ປັບປຸງສິ່ງຮອງຮັບຕ່າງໆ ເຊັນ: ຫ້ອງນ້ຳ, ຮ້ານອາຫານ...
Laos, Xieng khuang, ຊຽງຂວາງ, ແຂວງຊຽງຂວາງ
Visit Xieng Khoang, Laos:ບໍ່ນ້ຳຮ້ອນເມືອງຄຳ.(ແຂວງຊຽງຂວາງ) - ຖ້ຳປິວ.(ແຂວງຊຽງຂວາງ)
ປະຈຸບັນ ເຮືອນພັກ ແລະ ແຫຼ່ງທ່ອງທ່ຽວບໍ່ນ້ຳຮ້ອນ ແມ່ນໄດ້ຖືກປັບປຸງ, ສ້າງເຮືອນພັກຂຶ້ນໃໝ່ ໂດຍການສຳປະທານຈາກເອກະຊົນ ເຮັດໃຫ້ມີຄວາມສະດວກ ສະບາຍຫຼາຍຂຶ້ນ ແຕ່ກໍ່ຍັງບາງຢ່າງ ທີ່ຈະຕ້ອງໄດ້ປັບປຸງເຊັ່ນວ່າ: ການຈັດສັນແຫຼ່ງທ່ອງທ່ຽວ ໃຫ້ມີຄວາມກົມກືນກັບທຳມະຊາດ.
|